فاضل مين ؟
على فين رايحيين ؟
تاني.... ماشيين ؟
سايبيني أبكي سنين وسنين وسنين
بيقولوا وعد وانكتب على جبيني الفراق والبين
والعلامة نجمه في السما ...لأ في عيوني
من وقت للتاني تظهر وتبان
تلمع وتنزل على خدي كل فين وفين
ما هي الدموع لما تكون غاليه على العين
تصعب عليها .. من كتر حرقتها .. تحاول برموشها تمسكها ..بس على مين
لازم تفلت ...تجري.. تحرق ..وتكوي ..وتعلم ع القلب المسكين
ولأمتى حعيش علشان أفارق وبس أفارق ؟
و أستنى بكرة الدور على مين ؟
مش عارفه يا قلبي مين ضاع من مين ؟
ولا عمري هو اللي اتسرق حسرة وشوق وحنين ؟
نفسي في يوم انا اللي فيه افارق النغم الحزين
ولا يا ترى حفارق مين ؟
هو فاضل مين؟
تمت
همسه
Falling hearts Here
هناك 38 تعليقًا:
جميلة اوى الهمسة دى...
بس بلاش تقيدك بالوزن اثق بان كتابتك الحرة سوف تكون اقوى كثيرا....
تحياتى اليكى ...
عندما ينحول الحب الى حاله فزع
وكلام الهوى الى سطور محفوظه
فلنا فعلا ان نجزع
دمتى بخير صديقتى
ودام قلمك المبدع
ELGaZaLy
اول زيارة وتعليق في الصميم
هاجرب نصيحتك وانت اللي تحكم
بس زورني تاني
وانا جايه ازورك
همسه
دينا صاحبتي
مش بقولك كلامك فيه نضج غريب بيزيد يوم عن يوم فيكي حاجه متغيرة بس للاحسن طبعا
بحبك يا صاحبتي وما تتاخريش علي
همسه
شكرا سيدتى على التعليق بس على فكرة انا معنديش خلفيات مع بتوع الميكروباس علشان انا مشتغلتش تباع اقبل كدة
ولأمتى حعيش علشان أفارق وبس أفارق ؟
و أستنى بكرة الدور على مين ؟
مش عارفه يا قلبي مين ضاع من مين ؟
ولا عمري هو اللي اتسرق حسرة وشوق وحنين
ياه انتى سالتى اربع اسئله ينفعوا لكل البشر
اى حد فى الدنيا مها كان عمره وبلده وطريقه تفكيره لازم يسالهم لروحه باى لغه وباى اسلوب
انتى لخصتى افكار كل البشر ومخاوفهم فى اربع اسئله
البوست حلو اوى
وفكرته مثيره جدا لانها واقعيه
ومفرداتك هايله
تحياتى
بحبها
حمدالله على السلامه ده انا كنت خايفه عليك والله من عمو سواق الميكروباص
بس انا برده واثقه انك عاقل وعمرك ما حتتهور اوعى تزعله وقلتلك قبل كده بصله بوجهه نظر جديده حتحبه قوي هههههههههه وبلاش موضوع الخلفيات لو مزعلك ياسيدي وبعدين انا قصدي خلفيات يعني انك مرة مثلا غلطت وقلتله صباح الخير او مثلا مرة اخطأت في حقه وحق نفسك وضحكت في وشه مثلا يعني ههههههه
ميرسي على الزياره
همسه
صديقي العزيز ممكن
يعني انا والله مش عارفه اقولك ايه
كلماتك الرقيقه عن البوست بجد بجد بتفرحني مع ان كلماتي غالبا حزينه بس انا بفرح جدا بتعليقاتك
ولامتى اعيش علشان افارق وبس افرق؟
هي محور الموضوع انت وصلت للاساس فعلا لان التساؤل ده هو اول جمله خطرت على بالي وانا بتكلم في الموضوع ده
ارجوك تزورني كتيييييييير
صديقتك همسه
صح العين لما بتدمع بيكون الدمع غالى عليها وبتحاول تمسكه ويحاول الإنسان ميبينش انهضعيف بس
على مين الحزن بيبان حتى مش بالدموع ممكن بأى حاجة تانية
د/هيما
د/ هيما
شرفتني زيارتك
وبشكرك على التعليق كلماتك اضافت معني جديد للبوست
همسه
الله عليكى
اول مرة ازور همساتك
اسلوبك جميل ومباشر
تحياتى
كاميليا
الله عليكي انتي يا كوكي
انا متابعه مدونتك من زمان ومن عشاقها وشرف لي زيارتك وتعليقك اسعدني لانه من حد بقدره واعتز بيه
همسه
همسة رقيقة
وتساءل يطرح نفسه في ذهن معظمنا
متى وأين ولماذا ؟؟
سعيدة بتواجدي هنا في مدونتك
كوني بخير
اسم جذاب ومدونة رقيقة واضح من رقتها رقة صاحبتها
أسعدتنى زيارتك ورغم انى مش غاوية شعر
لكن همساتك شدتنى
الزين
اهلا بقمر الكويت نورتيني واسعدتني زيارتك
حستناكي تاني انشاء الله
همسه
omaima
الله الله الله انا مش قد كلامك الجميل ده
كسفني زوقك ومتاكده الرقه نابعه منك انتي
همسه
اول زيارة لهمساتك و بقولك زى مبيقولوا فى امريكا
keep doing
تحياتى
اول زيارة لاجمل همسة
بس همسات رائعة جدا
وما اجملها همسات
وكل همسة وانتى بخير
تحياتى وتقبلى مرورى
خالد
انا زوورتك تانى اهوة يمكن دى خامس او سادس بس واضح ان التجربة صعبة شوية...
Baker
ميرسي جدا على اول زيارة ويارب متكونش الاخيره
تعليقك مشجع وفتح نفسي للكتابه
وحقولك زي ما بيقولو في امريكا
thanks
وبالمصري متشكرة
همسه
ELGaZaLy
اهلا اهلا بصاحب الزوق الراقي والمدونه الرائعه والمقطوعه الموسيقيه اللي تجنن والصور الجميله
انا يشرفني زيارتك لمدونتي البسيطه
وياريت تيجي تزورني كتتييييييير
وبعدين فين الشوارع حواديت ؟سؤال مرديتش عليه ؟
همسه
همس الاحباب
صديقي خالد
نورتني واكرمتني بتعليقك كفايه انك من اول زيارة وبتشكر في الهمسات
ولو سمحتلي اجي مدونتك ازورك
همسه
ابو علي
اول زيارة ومعاها اغنيه داليدا دي اجمل هديه زرتني بيها يا ابو علي
بس عايزة افهم المقصود ايه ؟ قصدك ان همسه بلد؟ بلدي وبلدك لو كان ده قصدك فعلا ده يبقى كتتييير كتييير كتتتيير جدا علي
اختك همسه
على فكرة انا زرت مدونتك وبجد البوست الاخير وجعلي قلبي
همسه
بلدى وبلدك هو كل زكرى سبتيها ف مكان .. المكان هو دا بلدك الى تحبى ترجعيله تفتكرى فيه همساتك واشواقك ف غياهب الماضى
كل سنه وانتى طيبه يا همسه بعد بكره عيد ميلاد نانسى عجرم
ابو علي
شكرا على التوضيح
وكل سنه وانت ونانسي بخير يا رب بس يا ترى حتجيب لها ايه ؟
همسه
يا ترى مين الى يجيبلى انا الاول
اصل انا ونانسى مولدين ف سنه واحده وف يوم واحد تفتكرى انا ولا نانسى الابدى؟؟
ولا يا ترى حفارق مين ؟
هو فاضل مين ؟
فاضل الأمل يا همسة
وبخصوص الكتابة .. حاولي تخدي بنصيحة الغزالي .. الجدع ده اصله عبقري لكن حسابه عسير معايا :)
وفي انتظار الهمسة الثالثة عشرة
يا ابو علي
متهيالي الهديه تبقى لعلي ابدى ولا ايه ؟
همسه
اخي المهاجر
كده برده كل ده تاخير لعل المانع خير
انا قلت عملها وهاجر
ولا ياترى حفارق مين هو فاضل مين؟
سؤال سالته لنفسي وما عرفتش ارد عليه ...الامل والايمان هما اللي بيخلوك تكمل مشوارك غصب عن السؤال و البوست بتاعي
اما بالنسبه للنصيحه الغاليه من غزالي فانا حاجرب وانتو تقولولي رايكم انشاء الله الهمسه الجايه وياريت تبعتولي افكاركم دايما وانا حنفذها انشاء الله
وبالنسبه لحسابك معاه فهو يستاهل مكنش المفروض يعمل كده ممممممم هو عمل ايه؟ انا بهدي النفوس بس هههههه
متهيالي حد فنان ذي غزالي صعب انه يزعل حد ولا ايه؟
همسه
مفيش هي كانت هاتتنشر وبعدين انا سافرت برة مصر فترة ولما رجعت كنت هانشرها تانى وسافرت تانى
وفى الاخر بتحتل موقعها فى الدولاب
elgazaly
احنا عايزينها تحتل موقعها على المدونه مش الدولاب
لان بصراحه الاسم جذاب جدا ومشوق (الشوارع حواديت) يعني ولو جزء جزء
وانا اول المتابعين
همسه
هو فاضل مين؟
مش فاضل غير النغم الحزين
ما أروعها همستك تلك عزيزتي
دُمتِ بخير
dr.Roufy
نورت المدونه وصاحبه المدونه وشكرك جدا على التعليق
همسه
همسه حزينه على دمعة فارقت عين
لكنها تظل همسه لتدوم رائعه
تحياتي
سيد سعد
الدموع و الصبر ثم النسيان..
و شيء آخر..العلامة على "القلب المسكين".
تلك هي مضاعفات جراحة فراق الأحبة.
" و يبقى وجه ربك ذو الجلال و الأكرام"
.....تحياتي......
مكسرات
همسات همسه تزداد قيمتها بتعليقاتك الرقيقه
همسه
صديقي الهدهد الطائر
غيبه طويله
كنت طاير فين ؟
جراحه فراق الاحبه ...تعبير جميل جدا جسد المعنى بمنتهى البساطه والقوة
اشكرك على التعليق متبقاش تطير بعيد تاني
همسه
فين فين فين الجديد متبطليش همس خالص اوك
عاوز ادخل المره الجايه الاقى جديد
تحياتى
إرسال تعليق