اعزائي ...
كنت اتصفح عده مدونات واستوقفتني مدونه للاسف لم استطع ان احفظ اللينك ولكنها كانت تعبير صادق من فنانه اعتقد تدعى نوار وكانت تتحدث فيها عن تجربه فتاه تستقل قطارا لتذهب به الى المنتزه في الاسكندريه لتشاهد زوجان على الشاطىء او حبيبان ثم تعود ادراجها الى مدينتها في نفس اليوم .
كتبت لها في تعليقي على المدونه ..انا كمان بحب اسكندريه في الشتا..
لماذا كل هذا الحب لهذه المدينه الساحره ما الذي يجذبني اليها بهذه القوة من اللذي يناديني من هناك كل شتاء عندما تهطل الامطار ويشتد الطقس بروده ابحث عن سبب يدفعني دفعا الى هناك ولا تستكين روحي الا اذا لبت هذا النداء...
كل ما اذكره عندما كنت طفله صغيرة نائمه بالكرسي الخلفي لسيارة ابي -رحمه الله -استيقظت فجاه على دقات حبات المطر على نافذتي وجدت جاكيت ابي ملقى على جسدي وهو مليء بعطره المميز الجميل نظرت عبر النافذه ووجدت الامطار كالانهار على النافذه يمري من خلالها اضواء خافته ملونه جميله وفجأه توقف ابي لشراء بعض الاحتياجات وعندما احسست انه ابتعد سارعت وارتديت هذا الجاكيت وفتحت باب السيارة قفزت بالخارج تحت الامطاروظللت أدور وأادوروأدور في حلقات وانا في منتهى السعاده واغني اغنيه قديمه لمطرب نوبي -رحمه الله -اعتقد كانت كلماتها تقول (الدنيا برد وعم خليل بيسقي الورد ...خدو مني ورده اوراقها شارده ...) هههههههه شيء من هذا الفبيل
تنبهت فوجدت ابي يضحك ويقول لي :ادخلى بقى احسن تاخدي برد زي عم خليل
قفزت داخل السيارة بسرعه متسائله :هو عمو خليل عيان يا بابا انا عايزة اشوفه
ظل يضحك ويضحك وانا ايضا ضحكت وفهمت انه كان يمازحني خلعت الجاكيت واختبأت داخله وعدت اسند رأسي على النافذه كم كانت رائحته جميله هذا الجاكيت وكم كنت اشعر بالسعاده .بالحنان. بالامان. بالدفء ...
سآتي اليك يا ابي كم اشتاق اليك ...الان علمت لماذا اشتاق اليكي يا اسكندريه اشتاق الى القرب من ابي الى روح ابي وعطره ودفئه هنااااااااااااااااااااااااك تحت المطر في الشتاء بالاسكندريه
تمت
انتظروني مع همسه غزل
الى لقاء
همسه
توضيح : اخيرا لقيت اللينك
شرفتني الفنانه اللتي تحدثت عنها في اول مقالي بالزياره واخيرا لقيت اللينك مع توضيح بسيط اسم الفنانه رباب والمدونه جسر الى الحياه
واللينك لمن يرغب بزيارتها وقراءه كلماتها بنفسه
http://www.blogger.com/profile/00531084638704519789
همسه
Falling hearts Here
هناك 16 تعليقًا:
انا بمووووت فى اسكندريه فى الشتا
اسكندريه على طول حلوة بس بتبقى فى أبهى صورها فى الشتا بالذات..
معرفش ليه فعلا...
يمكن عشان مابتبقاش زحمة زي الصيف.
يمكن عشان جوها جميل فى الشتا.
يمكن عشان انا ليا فيها ذكريات حلوه برضه.
بس اللى انا متاكد منه انى بحب اسكندرية الشتا زيك تمام.
الشتا اتغير عن زمان
انا مابقيتش احبه مش بحب تكتيفته
اخي مابي
اشكر مرورك ومشاركاتك وتعليقاتك الرقيقه
ياريت تكتب زكرياتك ايه في اسكندريه
علشان اجي مدونتك واقراها
همسه
حبيبه قلبي المفقوعه مرارتها
لو مكنش الزمان بيتغير يبقى ايه فايده الحنين
مهو علشان الدنيا بتتغير بندور على الزكريات
وبعدين مالها تكتيفه الشتا ده حتى شيك
ابقي زوريني وانا جايالك مدونتك انشاء الله
همسه
ياه يا همسة
مفيش كلام في لغات الدنيا كلها يقدر يوصف جمال اسكندرية في الشتا
شيء فوق الوصف
المطر اللي بيغسل شوارعها بيكون زي العطر ، علشان كده مفيش مدينة في الدنيا لها ريحة غير اسكندرية
بحري والأنفوشي وباب عشرة والعطارين وكوم الدكة والورديان .. وسيدي بشر وجليم وسان استيفانو والمندرة .. وايه .. وايه .. وايه ..
يااااااااه .. منكِ لله
صحيتِ حاجات كانت اتنست من سنين
اخي المهاجر
هي الحاجات الحلوة تتنسي دي محفورة في القلب كل شويه تنغزك تتلكك علشان تخرج
مرة تحس بالم ومرة تحس بفرح ومرة تحس بحنين المهم ولا مرة تحس انك عايز تنساها
ولا ايه؟
همسه
اخي المهاجر
هي الحاجات الحلوة تتنسي دي محفورة في القلب كل شويه تنغزك تتلكك علشان تخرج
مرة تحس بالم ومرة تحس بفرح ومرة تحس بحنين المهم ولا مرة تحس انك عايز تنساها
ولا ايه؟
همسه
ياحلى همسه
انا بقى يستى اسكندرانيه
وبعشقها بكل مافييه
بس انتى مجربتيش الشتا السنه دى
احنا عدى علينا كام يوم ميتوصفوش
بس ده ميمنعش ان اسكندريه عروسه شتا صيف ولا بلاش الصيف
مبنعرفش نتحرك من الوافدين الجدد
بس برضه جميله وبحبها
وانا اقول بحبك ليه هههههه
يا دينا نورتيني
وخلاص انا كده ليه ضهر في اسكندريه يعني اجي وانا متطمنه
عايزة اعرف رايك في غزل
همسه
اشكرك يا همسة على مرورك على مدونتى وسعدت بتعليقك على خاطرة قطر الحياة عن الاسكندرية فى الشتاء وعلى فكرة انا اسمى رباب
جسر الى الحياه او رباب اخيرا لقيتك
انا كنت بحاول اوصلك من زمان وللاسف زي ما قلت قبل كده اني فققدت اللينك
وعلى فكرة انا اللي بشكرك على رد الزيارة وبشكرك تاني لاني لقيتك
وعلى طول حصلح الاسم امال مين نوار ؟هههه ما علينا
ميرسي يا رباب
همسه
الدنيا برد ياعم خليل .. دي اغنية للرائع احمد منيب وكلمات الشاعر الرائع برضه فؤاد حداد
----
اسكندريه في الشتا هي اسكندريه على فكره
والناس اللي بتحب اسكندريه بطبعها بتحب الشتا
الجو والحياه والحاله النفسيه اللي بيحسها الواحد في اسكندريه في الشتا بيبقى جو غريب وحاله فريده من نوعها
حالة انطلاق على رغبه غريبه في اطلاق العنان للخيال والسرحان .. وطبعا ده كللو بيوصل لمعنى واحد .. وهو استمتاع رهيب
-----
ملحوظه
انا تقريبا تخيلت دماغك عامله ازاي .. خصوصا وانتي من صغرك ومتربيه على صوت عم منيب
هلف على باقي مدونتك ومواضيعك
سلامووووووووووز
سووووو
مبسوطه قوي قوي انك جيت
بجد شرفتني ونورتني
لما الحقك في الهمسه التانيه
همسه
ومين مش بيحبها ف الشتا..؟
صحيح في الصيف بيكون رطوبة وزحمة شوية بس بحبها ف كل الاوقات
هبص بصة عاللينك اللي حطيتيه :)
ايموو
زيارة حلوة وتعليق جميل فعلا هي حلوة في كل الاوقات
ميرسي يا ايموو جايه ازورك
همسه
كويس انى تعقيبى جه فى وقته عشان تلاقى اللينك تانى نورتى مدونتى المتواضعة ويسعدنى مرورك دايما وبالنسبة مين نوار ده ؟
ده شخص علق عندى على بوست خرج ولم يعد وتربطنا صداقة من قبل ما انشىء المدونة
إرسال تعليق