بنت حلوة اسمها غزل
كانت بتقول الحب ده شال عشاني اتغزل
راسي في السما ورجلي ..ع الارض ثابته عمرها ماتزل
شافت القمر عجبها سناه ندهتله بعنيها وعلشانها نزل
لفوق لفوق خدها معاه ..خافت وقالت ده سحر
ضحك وقال متخافيش مني ده اللي بيني وبينك عهد لايمكن ينحل
بنت حلوة اسمها غزل
كانت بتقول الدنيا دي بتاعتي انا
انا الشمس انا الدفا النجوم ...انا
قامت الدنيا وباديها شاورت وقالت ...كفايه لحد هنا
الهنا مش ليكي يا غزل ..الهنا ده ملكي انا
وروها نجوم الضهر ...
ده انا الدنيا زي ما اعلي بعرف كمان ازل
بنت حلوة اسمها غزل
قبل الاوان دبلت واترمى عليها الشبك
من ايد لايد يا ورده .. ما حد يرحمك
حرام عليكي يا دنيا ده الحزن بيها اتشبك
كفايه عليها كده .ايه .هو ذل
بنت حلوة اسمها غزل
بنت حلوة ...غزل ده اسمها
كانت بتحلم بس ...والدنيا اديتلها
اتغزلت فيها ...يا بختها ....
تمت
همسه
Falling hearts Here
هناك 20 تعليقًا:
كانت غزالة هيمه في الفلا ولاّ غزال ؟
ميل عليها القمر وشوش لها بموال
قالت له حاسب .. أنا مش غزال أنا غزل
بنت حلوة الدنيا نادت لها .. واديتلها
لكن سبحان مغير الأحوال
ايه يا همسة اللي انت كتباه ده ؟؟
ت .. ح .. ف .. هـ
يارب كده على طول اول قارىء واول تعليق
بجد عجبتك غزل؟
همسه
حلوة و رقيقة أوى.
و شكراًأوى على رأيك فى مدونتى .. وبالمناسبة أنا لسة كاتبة موضوع جديد دلوئت حال .. طازة يعنى ًD:
جميلة اوي
ايه يهمسه ينفع الكلام ده
لالالالالالالالا مكنتش متوقعه كده منك
بجد بجد بجد بجد
مش عارفه افلك ايه
حلوه جميله رائعه
لالالالالالالا ابقى ظلمتك
انتى روعه
بجد كلامك جنان
متابعه
على فكره
انا طول عمري مكنتش بحب العربي او اى كلام عربي عموما يمكن عشان دراستى على طول انجليش ومابسمعش او اتفرج الا على اجنبي
بس انتى شكلك كده هتحببيني فى العربي بكلامك الرقيق اوي ده
تحياتى
مفقوعه حبيبتي قصدي فوفو
انتي اللي جميله
بس لو تبطل حماتك تفقع مرارتك بس والله ست جميله ومسليه ربنا يخليهالك
romalistic
اهو انتي اللي حلوة ورقيقه قوي
وانا جايالك مدونتك انشاء الله طيرااااان
همسه
دينا
قمر اسكندريه
انا اللي بجد بجد بجد بجد مش عارفه اقولك ايه
بس والله العظيم متابعتك ليا شرف كبيييير قوي
متحرمنيش منه
همسه
مابي اخويا اللذيذ جدا جدا جدا
بص يا سيدي تقرا عربي تقرا انجليزي
المهم تقرا اللي يفيدك واللي انت بتحبه وبيعجبك
تعالى تاني علشان الهمسه الجديده
همسه
تحياتي
كلمات جميلة و اسلوب رقيق وإن غلفه الحزن...
الدنيا هكذا...يوم حلو و أخر مر.. و العاقل من لم يغره حلوها و لا ارقه مرها...فدوام الحال من المحال.
تحياتي و تقديري.
صديقي الربان
زيارة جميله وتعليق اجمل
ارجو ان تمر سفينتك على مدونتي اثناء العودة
غي انتظارك
همسه
همسه....
دي يابنتي مش همسه...
دي صرخه رومانسيه في زمن مادي مجنون
استمري وهتابعك
المره دي تشجيع
المره الجايه تشجيع ونقد
ايه رايك
موافقة
شكرا جدا على الاحساس ده وشكرا على تعليقك واوعدك انى هكمل تفاؤل
حلوة القصه وحلو الشعر
الاطار عجبنى اوى
تسلم ايدك
تحياتى
خايف م الحقيقه
انا موافقه جدا جدا
تشجيع ونقد , نقد وتشجيع المهم تشرفني واعرف رايك اقصد الحقيقه
همسه
بحبها
ميرسي على تعليقك وميرسي على زيارتك وانا حتابعك علشان اشوف حتتفاءل ولا لا
همسه
اهلا ممكن
تسلم ايدك انت على التعليق الغالي
وتسلم ايدك على مدونتك الهايله
متابعه
همسه
الله عليكي
رقه وروعه واسلوب بسيط وفعلا انتي استاذه في السهل الممتنع
شكلي كده هدمن مدونتك
بقولك ايه
اعملي حسابك بعد كده تزوديلي الجرعه شويه
الله
مدمن بقى وعايزك تديني جرعه محترمه
سلاموووووووووووز
سوووو
انت لحقت توصل هنا
ميرسي جدا جدا على التعليق اللي فات وعلى التعليق ده كمان
همسه
إرسال تعليق